Der Dokter kommt zom a-n-alta Weib,
Dia hot veil Kranketa em Leib.
Ond jetz au no, o grauße Naut,
Der Kopf ischt g'schwolla, d'Auga raut.
"Ei", sait der Dokter, "was macht Ihr?"
"O", hot se g'sait, "des macht des G'schmier:
Haun i do baise Auga g'het,
No sait mei Hausweib: wann se's tät,
Se häb' so Hearaugaschmiare do,
Könnt sein, 's tät's au, wann i wett dervon.
I schmiar's en meine Auga nein,
Ond seither ischt's so liadrich g'sein."
Bei so 'ra Gschicht, jetzt saget amol,
Ob do a Dokter net schempfa soll.