Der alt Schulmeischter der hot's Keck,
Ond Maul ond Herz am rechta Fleck.
Nenz, was er tuat ond was er sait,
Nenz brengt an en Verlegaheit.
Jetz eimol hot mer's doch verlebt,
Do hätt' an schiar a Wörtle g'räbt.
Der Herr Dekan hot g'visetiart
Ond ehm a Ziehgarr offeriart.
Do macht der Schualmeischter a G'sicht,
Wia wann er suscht ein rüberziecht,
Ond sait: "I dank schön, Herr Dekan,
Die Ontuged fang i nemme an!"