Der Jakob b'sieht d'Menagerie,
Ehn wondrat des ausländisch Vieh.
Grad guckt er d' Elefanta-n-an,
No schreit eins "Jakob" hentr'am dran.
Schnell fahrt er rom: "Wer kennt denn mi
Do henn en der Marschenerie?"
Jetz gucket au, a Papegei
Schreit all'weil "Jakob" geg'am nein.
Do ischt's em Jakob nemme wohl,
Daß ehn der Vogel kenna soll.
"Jo", sait er, ond sein Maul goht wensch:
"Des Viech ischt g'scheiter als a Mensch."